निर्मला प्रकरणको तथ्य पत्ता लगाउन सरकारले पठायो अपराधिका लागि खतरनाक महिला एसपी दुर्गा सिंह … सक्दो शेयर गर्नुहोस

काठमाडौ । कञ्चनपुरकी १३ वर्षीया बालिका निर्मला पन्तको बलात्कारपछि हत्या भएको घटनाको छानबिन चलिरहेको छ । प्रहरीकै संलग्नतामा प्रमाण नष्ट गर्ने काम भएका कारण अपराधि समात्न कठिन भएको चर्चा छ । यो अपराधलाई जसरीपनि पत्ता लगाउन सरकारले सबै शक्ति प्रयोग गरेको छ । निर्मलाको गत साउन १० गते बलात्कारपछि हत्या भएको थियो । साथीकहाँ जान’ भनेर हिँडेकी उनी भोलिपल्ट बलात्कारपछि हत्या गरेको अवस्थामा भेटिएकी थिइन् ।

फेरी पनि सरकारले अनुसन्धानमा अर्को कदम चालेको छ । उक्त घटनाको छानबिनका लागि सरकारले प्रहरी उपरीक्षकको नेतृत्वमा महिला प्रहरीको टोली कञ्चपुरमा खटाएको छ । प्रहरी उपरीक्षक दुर्गा सिंहको नेतृत्वमा उक्त टोली कञ्चनपुरमा खटाइएको हो । पीडित, स्थानीय महिलाअधिकारकर्मी तथा अन्यसँग सहकार्य गरी अनुसन्धानमा सघाउन प्रहरी उपरीक्षक दुर्गा सिंहको नेतृत्वमा उक्त टोली खटाइएको हो ।

बालिका बलात्कारको केस भएकाले छानबिन तथा अनुसन्धानमा सहज होस् भन्ने उद्देश्यले महिला प्रहरी अधिकारीको टोली परिचालन गरिएको जनाइएको हो । एसपी दुर्गा निक्कै साहासी प्रहरीको रुपमा नेपाल प्रहरीको बृत्तमा चिनिन्छ । दाङ जिल्लाको इन्चार्ज बनेर गएको बेला त्यहाँ गुण्डाहरुको भागाभाग मच्याएर दुर्गाले जनताको प्रशंसा पाएकी थिइन् ।