फेरी आयो दर्दनाक खबर, जापानमा बस्ने ६५ जनाको मृत्यु ! कति पर्यो नेपाली ?

अत्यधिक गर्मीका कारण जापानमा गत आइतबारसम्म ६५ जनाको मृत्यु भएको जापानी सञ्चारमाध्यमले जनाएका छन् । यी ६५ जनामध्ये एक ५ वर्षीय बालकसमेत रहेका छन् । उनी बिद्यालयको शैक्षिक भ्रमणबाट फर्किए लगत्तै बेहोस भएकोले उपचारार्थ अस्पतालमा भर्ना हुँदा उनको मृत्यु भएको जानकारी दिएको यियो । साथै अत्याधिक गर्मीको कारण उत्पन्न रोग र संक्रमणको उपचार गराउन २२ हजार ६४७ जना अस्पताल भर्ना भएका प्रकोप नियन्त्रण विभागले मङ्गलबार जानकारी दिएको हो ।

यद्यपि प्रकोप नियन्त्रण विभागका अनुसार जुलाइदेखि जापानमा तातो हावाको कारण ८० व्यक्तिको मृत्यु हुनुको साथै ३५ हजार उपचारार्थ अस्पताल भर्ना भएको जाकारी प्रप्त भएको हो। केही दिनयता यहाँको तापक्रम एक्कासि बढेपछि त्यहाँका सरकारले आफ्नो जनतालाई अनावश्यक रुपमा घाममा ननिस्कन सूचना जारी गरेको जनाएको हो । सोमबार टोकियोको बाहिरी इलाकामा रहेको कुमागाया शहरको सैतामा क्षेत्रमा ४१।१ डिग्री सेल्सियससम्म तापक्रम पुगेको रिकर्ड गरिएको छ ।

यो तापक्रम पाँचवर्ष यताकै उच्च भएको सरकारी तथ्याङ्कमा रहेको जनाएको छ । यसैबीच क्योटो सहरमा लगातार एक हप्ता बढी समययता ३८ डिग्री सेल्सियसभन्दा माथि तापक्रम रहेको जनाइएको छ । जापानमा तापक्रमको रेकर्ड राख्न थालिए यताकै यो उच्च तापक्रम भएको जापान सरकारको मौसम विज्ञान विभागले जानकारी दिएको छ । जापानको शिक्षा मन्त्रालयले विद्यालयलाई उच्च गर्मीबाट जोगिनका लागि सक्दो उपाय अपनाउन सूचना जारी गरेको हो ।



त्यसैले कतिपय जिल्लाका प्राथमिक विद्यालयको पठनपाठन पनि बन्द गराइएको छ । अरु एक दुई दिनसम्म यस्तो गर्मीको मौसम रह्यो भने अन्य विद्यालय बन्द गर्ने बारेमा पनि सोच्न सकिने अधिकारी बताउँछन् । यसलाई कतिपय मौसमविद्ले यसलाई जलवायु परिवर्तनसँग तुलना गरेर पनि हेरेका छन् । यस विषयमा यहाँका अधिकारीले भने केही बताएका छैनन् ।